Deputetja e PD-së për Qarkun e Lezhës, Lindita Metaliaj ka reaguar në lidhje me dënimin politik të deputetit Ervin Salianji, pasi ku i fundit denoncoi publikisht lidhjet kriminale të Geron Xhafaj, vëllait të ish-ministri të Brendshëm Fatmir Xhafaj, i cili rezultonte i dënuar në Itali për trafik droge.
Ajo shprehet se sot Partisë Demokratike i është shpallur luftë. Më tej ajo shton se sot Edi Rama dhe drejtësia e kapur vulosën instalimin e diktaturës!
Mataliaj deklaron se nga sot nuk do të ketë më normalitet në Parlament.
Postimi i plotë:
Sot Partisë Demokratike i është shpallur luftë!
Sot , Edi Rama dhe drejtësia e kapur vulosën instalimin e diktaturës !
Sulmi i orkestruar ndaj Kryetarit të Partisë Demokratike, ndaj grupit parlamentar të Partisë Demokratike, ndaj opozitës, dhe sot edhe ndaj nënkryetarit te Grupit Parlamentar të Partisë Demokratike, kolegut Ervin Salianji është qartazi goditje frontale në prag zgjedhjesh.
Dënimi i deputetit Ervin Salianji është një hakmarrje e verbër politike për faktin e vetëm se denoncoi dhe vërtetoi lidhjen dhe veprimtarinë kriminale të narko-trafikantit ndërkombëtar vëllait të ish ministrit të brendshëm .
Ky vendim sot dëshmon qartë se në këtë vend krimi , droga dhe korrupsioni janë të lidhur ngushtë me qeverinë e narko-shtetit shqiptar.
Dënoj me forcë këtë akt politik kundër Partisë Demokratike, kundër demokracisë dhe pluralizmit politik në Shqipëri!
Nga sot nuk duhet dhe nuk mund të ketë normalitet në Parlament !
Nga sot shqiptarët duhet të ngrihen fuqishëm pa kthim pas !
O sot, o kurrë” kundër Edi Ramës dhe narko-diktaturës së tij.
