Këshilltari Ligjor i PD, Marash Logu shprehet se deputeti demokrat Ervin Salianji asnjëherë nuk ka bërë kallëzim në organet e hetuesisë për dosjen ‘Babale’ dhe Geron Xhafajn, vëllain e ish-ministrit të Brendshëm, Fatmir Xhafaj.
Logu tha se dosja ‘Babale’ ka qenë një denoncim publik, ndërsa shtoi se elementi që shoqëronte këtë denoncim kishte të bënte me faktin se hartuesi dhe drejtuesi i Reformës në Drejtësi, Fatmir Xhafaj kishte ndryshuar në dispozitë të Kodit të Procedurës Penale, në mënyrë që vendimi i autoriteteve italiane për dënimin e të vëllait të mos ekzekutohej në Shqipëri.
“Deputeti Ervin Salianji ka publikuar vendimin e dënimit të Gjykatës italiane, ishte denoncim publik tronditës. Ishte vëllai i ministrit të Brendshëm që ishte i dënuar me vendim të formës së prerë për trafik ndërkombëtar droge dhe shëtiste i lirë në Vlorë.
Elementi që shoqëronte këtë denoncim ishte se Fatmir Xhafaj, drejtuesi i Reformës në Drejtësi kishte ndryshuar një dispozitë të Kodit të Procedurës Penale që ky vendim i autoriteteve italiane të mos ekzekutohej në Shqipëri.
Gjithmonë ndodh që vijnë edhe denoncime nga njerëzit, në këtë kohë ka ardhur edhe investigimi i gazetarit, është marrë materiali, është verifikuar nga strukturat politike dhe më pas është denoncuar.
Sa herë kemi denoncuar, kemi kërkuar të hetojmë organet e drejtësisë. Një deputet i PD është në pamundësi objektive për të kryer punën e prokurorisë dhe opgj. S’është bërë asnjë lloj hetimi për këtë denoncim.
Pse Rama se vuri në dispozicion akt ekspertimin ndërkombëtar që bëri për audio-përgjimin?
Artan Gjermeni, gjyqtari që kishte dosjen Babale i del emri në çdo dosje kriminale, dosja e tij është aq e rënduar. Ndërsa gjyqtarit që dha vendimin sot, ia mbajtën peng afatin e aplikimit për ta promovuar në Gjykatën e Lartë.”- në Task Forcë në syritv.
