Kreu i grupit parlamentar të PD-së, Gazment Bardhi i është kundërpërgjigjur kryeministrit Edi Rama, ku ky i fundit në një reagim për dënimin e deputetit Ervin Salianji, në mënyrë skandaloze “legjitimoi” se shpifja tashmë është kthyer në një dëmim për kallëzim të rremë, pa patur fare kallëzim, ndërkohë që e pranonte dhe vetë se një dënim i tillë është i pari në histori.
Në reagim në rrjetet sociale, Bardhi e quan Ramën si frikacak dhe të pafytyrë, teksa i drejtohet se atë e gënjen mendja se do trimërohet duke keqpërdorur gjykatat për të “frikësuar” e dënuar pa ligj e prova opozitën.
Bardhi i kujton Ramës se është kryeministër i vetëm në botë që bëri ministër të Brendshëm vëllain e një trafikanti droge të dënuar nga një vend i BE-së.
Reagimi i plotë:
I pafytyrë dhe frikacak! Të gënjen mendja se do trimërohesh duke keqpërdorur gjykatat për të “frikësuar” e dënuar pa ligj e prova opozitën.
Ti je Kryeministri i vetëm në botë që bërë Ministër të Brendshëm vëllain e një trafikanti të dënuar droge nga një vend i BE!
Ti je i vetmi Kryministër në botë që akuzohesh nga zëvendësi yt se ka një koordinator të posaçëm për marrëdhëniet me krimin e organizuar, i cili nesër pritet të emëroj Drejtorin e ri të Përgjithshëm të Policisë së Shtetit.
Ti je i vetmi Kryeministër në botë që ke vëllain të dyshuar si trafikant droge. Ti je i vetmi Kryeministër në botë që të trimëron dhe të mban në pushtet krimi i organizuar.
Ti je i vetmi Kryeministër në botë që bëre deputet e kryebashkiak trafikant droge, vrasës e përdhunues. Do mbetesh unik në historinë botërore për fundin e tmerrshëm dhe të afër që të pret!
