Avokati Ledio Braho deklaron se e ka ndjekur që nga fillimi çështjen e deputeti demorkat Ervin Salianji dhe në asnjë moment ai nuk ka bërë kallëzim të rremë.
Ai thekson se nuk bëhet kallëzimi në media apo foltore kuvendi, por në prokurori përpra oficerit gjyqësor ku pastaj do të vërtetohet nëse e ka bërë qëllimisht kallëzimin e rremë apo jo.
“Unë e kam ndjekur që nga fillimi çështjen dhe është një dosje e montuar politikisht nuk ka asnjë provë që e lidh Salianjin me kallëzim të rremë. Duhet të shtojmë që për kallëzim të rremë është personi i parë në Shqipëri që dënohet me burg.
Nuk bëhet kallëzimi në media apo foltore kuvendi, kallëzimi penal bëhet në prokurori përpra oficerit gjyqësor, pastaj do të vërtetohet nëse e kë bërë qëllimisht kallëzimin e rremë apo jo.
Ka një sërë elementësh që janë shumë të rëndësishme në këtë çështje, në vendimin e gjykatës së shkallës së parë gjyqtari e ka përdorin termin kallëzim publik dhe jo penal. Edhe nëse është i montuar denoncimi prapa Salianji nuk ka asnjë gisht në këtë montim.
Është policia e shtetit që ka korruptuar Abert Veliu duke e mbajtur me pagesa e kanë ndihmuar derisa ai ka shkuar në prokurori dhe e ka pranuar se është ai aktori.
Të gjithë personat e përfshirë në këtë dosje janë mbajtur në vëzhgim të rreptë përt u siguruar nëse është i montuar apo jo dhe asnjë fakt nuk tregon se është video e montuar .
Këto prova të prokurorisë gjykata nuk i ka administruar.”- tha avokati në Task Forcë në Syritv.
