Janë regjistruar të shtëna me armë zjarri pasditen e kësaj të martë në zonën e Vorës.
Burime bëjnë me dije se disa persona janë përfshirë në një sherr me njëri-tjetrin, i cili ka degraduar deri në të shtënat me armë zjarri. Fatmirësisht, nga informacionet paraprake mësohet se nuk ka persona të lënduar.
Sipas bluve të kryeqytetit, konflikti ka ndodhur mes shtetasve A. G., 25 vjeç, E. L., 39 vjeç, të cilët lëviznin me një mjet “Volkswagen Golf 5”, dhe shtetasit J. L., 31 vjeç, që lëvizte me një mjet tip “BMW”. Ky i fundit dyshohet se ka qëlluar me armë zjarri.
Dyshohet se mosshlyerja e një borxhi ka qenë shkaku i konfliktit që çoi në përdorimin e armëve.
Njoftimi:
Më datë 24.09.2024, rreth orës 17:40, në afërsi të rrethrrotullimit të Vorës, ka patur një konflikt mes shtetasve A. G., 25 vjeç, E. L., 39 vjeç, të cilët lëviznin me një mjet “Volkswagen Golf 5”, dhe shtetasit J. L., 31 vjeç, që lëvizte me një mjet tip “BMW”.
Gjatë konfliktit nga automjeti tip “BMW” dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtuar.
Shërbimet e Policisë po punojnë për kapjen e shtetasit J. L., ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.
