Pas ditës më të përgjakshme në gati 2 dekada, në konfliktin Hezbollah-Izrael, ky i fundit vijon pa u ndalur sulmet në Liban, teksa është gjithmonë e më e qartë se një luftë ere ka shpërthyer në rajon. Bombardimet nuk reshtën as gjatë natës, duke detyruar mijëra njerëz të shpërngulen nga banesat e tyre në Libanin jugor. Godina banimi, ku sipas Tel Avivit, Hezbollahu ka integruar infrastrukturën e vetë, u vunë në shënjestër të sulmeve me pasojë vdekjen e rreth 500 personave dhe plagosjen e mbi 1600 të tjerëve.
Kryeministri Netanjahu akuzon Hezbollahun se po përdor civilët si mburoja njerëzore, dhe u bën thirrje qytetarëve të largohen për sigurinë e tyre.
“Kam një mesazh për popullin e Libanit: Lufta e Izraelit nuk është me ju. Është me Hezbollahun. Për një kohë të gjatë, Hezbollahu ju ka përdorur si mburoja njerëzore. Ai vendosi raketa në dhomat tuaja dhe në garazhin tuaj. Ato raketa drejtohen në qytetet tona, prandaj ne duhet t’i shkatërrojmë ato… Ju bëj thirrje që të largoheni nga zona e rrezikut”, tha Netanjhu.
Në përditësimin më të fundit të të dhënave, ushtria izraelite dhe se kishte goditur rreth 1600objektivë të Hezbollahut gjatë së hënës. Sulmet u përqendruan kryesisht në jug, por arritën edhe në lindje te veri të vendit.
Hezbollahu u përgjigj duke lëshuar dhjetëra raketa në drejtim të izraelit gjatë natë, por ato u interceptuan nga sistemi i mbrojtjes ajrore në Izrael, Iron Dome.
Burime të sigurisë libaneze thonë se sulmet kanë shënjestruar edhe komandantin e lartë të Hezbollahut në jug të vendit, Ali Karaki, po nuk është e qartë nëse ai është vrarë. Shumë shkolla janë mbyllur në veri të Izraelit e po ashtu në Liban e një sërë kompanish ajrore kanë anuluar fluturimet në rajon.
