Katër anëtarë të së njëjtës familje, duke përfshirë dy fëmijë të vegjël, kanë vdekur nga një shpërthim gazi në jug të Italisë.
Shtëpia e tyre dykatëshe në qytetin e Saviano, pranë Napolit, u shemb pjesërisht nga shpërthimi i gazit, duke vrarë vëllezërit e motrat një djalë dhe një vajzë si dhe nënën dhe gjyshen e tyre.
Babai dhe një foshnjë e porsalindur u nxorën të gjallë nga rrënojat, thanë zjarrfikësit italianë.
Ai ndodhet në spitalin e Napolit në gjendje të rëndë, ndërsa foshnja është jashtë rrezikut për jetën, raportojnë mediat lokale.
Më shumë se 60 vullnetarë të mbrojtjes civile iu bashkuan përpjekjeve të shpëtimit, shkroi autoriteti i rajonit të Campania në një postim në Facebook.
Imazhet e shpërndara nga shërbimi zjarrfikës treguan ekipet e shpëtimit duke punuar nëpër rrënojat e ndërtesës së shkatërruar gjatë natës.
Pamjet me dron të vendit të ngjarjes treguan dy vrima të hapura në çatinë e ndërtesës, e cila ishte shembur pjesërisht.
