Trajneri i Arsenalit, Mikel Arteta, është shumë krenar për paraqitjen heroike të skuadrës së tij, por sigurisht edhe i zhgënjyer për mënyrën sesi ai nuk mori dot një fitore të madhe në “Etihad” teksa sfida në fund u mbyll në barazim 2-2.
“Ishte një mrekulli që ne kryesuam ndaj Manchester Cityt në këtë stadium për kaq kohë me 10 vetë. Jam shumë i kënaqur nga skuadra ime. Bënë një paraqitje heroike”, ishin fjalët e para të trajnerit spanjoll.
Arsenali pa një tjetër karton të kuq t’i tregohej Trosardit për një situatë të ngjashme dhe i pyetur për vendimet e arbitrit Majkëll Oliver, ai nuk donte që të bënte polemika: “Ata nuk i meritojnë komentet e mia. Ju e patë se çfarë ndodhi në fushë. Ne jemi shumë krenarë për atë që dhamë në fushë. Kjo skuadër nuk ka frikë të përballet me një prej ekipeve më të forta dhe ka treguar se është në nivelin për të mundur çdo kundërshtar”. – tha Arteta.
