Pas fitores 9-2 në Ligën e Kampioneve ndaj Feyenoord, Bayern Munich arrin një tjetër fitore të thellë, kësaj here në kampionat teksa mundën 0-5 Werder Bremen.
Në minutën e 22-të, bavarezët “rrëmben” mjaft mirë një top, me Olise që zhbllokoi shifrat. Në të 30-tën, pas disa lëvizjesh shumë të bukur të Olise, ky i fund shërbeu për Musiala, i cili nuk fali nga fare pranë portës.
Me rezultatin 0-2 u mbyll pjesa e parë, ndërsa në fraksionin e dytë mysafirët shtuan edhe më shumë ritmin. Në të 57-tën, Harry Kane thelloi shifrat, me një të djathtë tokazi, që ishte e pamundur për t’u arritur nga portieri vendas.
Spektakli personal i Olise vijoi sërish, goli i katërt mban firmën e tij (60’). Në të 65-tën, një zbritje e shpejtë e Bayern u finalizua me gol nga Gnabry.
Me këtë rezultat, të besuarit e Kompany shkojnë në kuotën e 12 pikëve pas 4 ndeshjesh, duke mbajtur kreun e klasifikimit.
