Një aksident ka ndodhur mbrëmjen e së shtunës në Maliq.
Policia njofton se një 22-vjeçar, ka përplasur një të mitur 8 vjeç i cili është dërguar me urgjencë në spitalin e Pogradecit.
“Rreth orës 20:20, në fshatit Vreshtas, Maliq, automjeti tip “Mitsubishi”, me drejtues shtetasin J. G., 22 vjeç, ka përplasur një të mitur, 8 vjeç, i cili është transportuar në spitalin e Pogradecit për ndihmë mjekësore. Drejtuesi i automjetit është shoqëruar në Komisariatin e Policisë për veprimeve të mëtejshme procedurale”, njofton policia.
Ndërkohë grupi hetimor vijon punën për të përcaktuar shkakun e aksidentit.
