Kreu i Partisë Demokratike, Sali Berisha ka deklaruar se ka marrëdhënie shumë të mirë me Ilir Metën.
Gjatë intervistës në “Opinion”, Berisha deklaroi se nëse PD fiton zgjedhjet e vitit 2025, atëherë kryeministri do të zgjidhet për herë të parë me referendum.
Pyetje: Si janë raportet me Ilir Metën?
“Me metën kam raporte të mira, dhe bashkëpunimit do të jetë i ngushtë dhe koalicioni do të ecë drejt fitores”, përgjigjet Berisha.
Pyetje: Nëse gjykata nuk lejon kandidimin tënd si do të veprohet, kush do ta drejtojë PD?
“Fushata do të drejtohet sigurisht nga 11 drejtuesit për çdo qark, lider të çdo qarku, do të ketë një grup qëndron me një komunikim të vazhdueshëm me Sali Berishën, janë të pashpresë ata që mendojnë që mund të caktojnë PD kryetarin. Kjo është çështje sovraniteti”, tha Berisha.
Pyetje: Nëse PD fiton zgjedhjet, kush do të jetë kryeministër?
“Kam sqaruar dhe insistoj, fitorja e PD do të ketë një referendum për kryeministrin e ardhshëm pavarësisht se Sali Berisha është arkitekt i fitores, por shqiptarët si kurrë më parë do të zgjedhin kryeministrin me referendum, një risi moderne”, tha Berisha.
