Një aksident me vdekje ka ndodhur pasditen e sotme në Unazën Plepa-Shkozet, ku raportohet se ka humbur jetën drejtuesi i një motomjeti.
Sipas informacioneve të para, viktima është shtetasi L. Z., 64 vjeç.
Burime nga policia bëjnë me dije se viktima dyshohet se ka humbur kontrollin mbi drejtimin e motomjetit dhe është rrëzuar duke gjetur vdekjen.
Njoftimi:
“Durrës/Informacion paraprak
Rreth orës 18:00, në lagjen nr. 13 Durrës, shtetasi L. Z., 64 vjeç, dyshohet se ka humbur kontrollin mbi drejtimin e motomjetit dhe është rrëzuar.
Si pasojë 64-vjeçari ka humbur jetën.
Grupi hetimor ndodhet në vendngjarje dhe po punon për sqarimin e rrethanave të aksidentit”
