Liridon Balaj është lojtari më i ri i Skënderbeut.
Mesfushori 25-vjeçar së fundmi pjesë e klubit belg të Deinze i bashkohet klubit korçar teksa ka firmosur një kontratë 2-vjeçare.
Balaj sot ka dalë në stërvitje me Skënderbeun dhe tashmë do të jetë pjesë e skuadrës bardhekuqe për të mbushur boshllëqet e mesit të fushës.
Balaj i rritur si futbollist në Kosovë te Besa e Pejës deri në 2019-ën, më pas kaloi te skuadra të tilla si, Aarau në Zvicër, Schaffhausen në Gjermani e së fundi te Deinze.
Lojtari ka qenë i lirë që nga fundi i sezonit të kaluar dhe për pasojë kalimi te Skënderbeu është bërë me parametra 0 dhe federimi nuk ka patur probleme zyrtare.
Liridon Balaj ka përfaqësuar edhe Kosovën në të kaluarën teksa ka bërë debutimin e tij në vitin 2021 duke zëvendësuar Arbër Hoxhën në miqësoren e zhvilluar ndaj Guineas.
