Partizani është ndalur në barazim 1-1 në Kurbin ndaj vendasve të Laçit, sfidë kjo e vlefshme për javën e 5-të të Kategorisë Superiore.
Një përballje mjaft e luftuar mes dy skuadrave, ku të kuqtë kaluan të parët në avantazh me anë të Agim Zekës.
Sulmuesi i kryeqytetasve gjeti rrugën e rrjetës në minutën e 80-të, duke ngritur në këmbë të gjithë tifozët e kuq. Por festa e “demave” zgjati vetëm pak, pasi në minutën e 86-të do të ishte Leo Ballhysa që do të rikthente baraspeshën në Laç.
Me rezultatin 1-1 mbyllet kjo sfidë dhe pas këtij takimi Partizani shkon në kuotën e 8 pikëve dhe mban vendin e 3-të në tabelën e klasifikimit, ndërsa nga krahu tjetër Laçi mbetet i fundit me 3 pikë.
