Kanë dalë sot para Gjykatës së Fierit, Altin Kuka dhe dy djemtë e tij Ervis dhe Emaurisio, të cilët akuzohen si autor të dyshuar për vrasjen e Lavdimir dhe Gramos Kurtaj në Kurjan të Roskovecit. Para gjykatës kanë dalë edhe dy kushërinjtë e 49-vjeçarit. Autori Altin Kuka u vetëdorëzua në polici, ndërsa dy djemtë dhe dy kushërinjtë u arrestuan pak orë më vonë.
Dy vëllezërit Kurtaj u vranë me armë zjarri pak ditë më parë pas një konflikti me një prej djemve të autorit. Të shtënat ndodhën në një lokal të fshatit, ku Altin Kuka shkoi bashkë me të birin 21-vjeçar “për t’u sqaruar”. Zanafilla dyshohet të ketë qenë një sherr i ndodhur mes djalit të autorit të dyshuar dhe djalit të njërit prej viktimave, Gramos Kurtajt.
Dy vëllezërit, njëri 52 vjeç dhe tjetri 46 vjeç, kanë qenë duke pirë kafen e drekës në lokalin në pronësi të tyre, kur në derë ka mbërritur Altini i armatosur dhe i ka qëlluar.
