Debate, thumbime dhe batuta janë shkëmbyer gjatë ditës së sotme në Komisionin për Arsim dhe Informim Publik, mes demokrates Ina Zhupa dhe socialistes Evis Kushi.
Zhupa ka deklaruar se ndryshe nga sa ka ndodhur me të kur ishte vetëm anëtare e komisionit, atyre do t’u lejohet e drejta e fjalës.
Në lidhje me këtë, Kushi është shprehur se kjo nuk është e vërtetë, ndërsa ka shtuar se nëse opozita ka pasur një periudhë të “nxehtë” me protesta, mazhoranca e ka pasur të zënë me punë.
Debati:
Zhupa: Në 2025 uroj që komisioni të drejtohet nga PS.
Kushi: Të respektojmë bashkë rregulloren, sidomos ju si drejtuese e komisionit. Të mos bëjmë kompromis me të drejtat e nxënësve dhe studentët. Për opozitën ka qenë një sezon i nxehtë me protesta, për mazhorancën ka qenë sezon i nxehtë për punë.
Zhupa: Fjala këtu është e shenjtë, do të flisni sa të doni se pse si anëtare e kam vuajtur këtë pjesë. Nuk kemi shfrytëzuar politikisht pjesën e arsimt dhe kulturës, por propozimet tona kanë qenë përtej partisë dhe ideologjsë. Mazhoranca, MA ka bërë punë gjatë verës, ka shtruar njerëz në administratë e jo rroga apo trajnime për mësuesit. Atë që keni bërë nuk e quaj punë.
