Përfundon pas 8 orë e 30 minutash mbledhja që kryeministri Rama zhvilloi këtë të diel me kabinetin qeveritar në vilën qeveritare në Dajt.
Në këtë mbledhje secili nga ministrat kanë raportuar për objektivat që do të kenë në ministritë që drejtojnë.
Takimi thuhet se ishte i ndarë në blloqe raportimi, në varësi të tematikave. Së pari ka qenë blloku i kmunikimit ku është diskutuar strategjia që socialistët do të ndjekin për zgjedhjet e 2024.
Një tjetër bllok i rëndësishëm ka qenë çështja e integrimit dhe antikorrupsionit.
Të pranishëm ishin ministrat, drejtorët e institucioneve në varësi të Kryeministrisë, kryetarja e Parlamentit, nënkryetari i Parlamentit, kryetari i Grupit Parlamentar të PS dhe kryetarët e komisioneve Parlamentare të PS.
Ndërkohë, më 8 shtator Edi Rama do të mbledhë strukturat e partisë, e saktësisht Asamblenë e dalë nga Kongresi i 28 korrikut.
Asambleja e re do të mblidhet në Durrës dhe do të zgjedhë kryesinë. Po në këtë mbledhje do të zgjidhet edhe sekretariati i ri i partisë.
