Parandalohet një ngjarje në Maliq mes një çifti bashkëshortësh.
Një grua është dhunuar nga bashkëshorti i saj dhe vjehrri.
Sipas informacioneve bashkëshorti e ka goditur me grushte duke i shkaktuar dëmtime në fytyrë.
Në këtë konflikt të rëndë është përfshirë edhe babai i tij duke e dhunuar nusen së bashku me të birin.
Por falë ndërhyrjes së shpejtë të policisë e cila është lajmëruar nga fqinjët e reja është hequr nga duart e bashkëshortit dhe vjehrrit të saj duke parandaluar përshkallëzimin e situatës që mund të çonte në një ngjarje të rëndë.
Policia ka bërë të mundur arrestimin e dhunuesit ndërsa babain e tij e ka proçeduar në gjëndje të lirë ndërkohë e reja u pajis me urdhër mbrojtje.
Motivi dyshohet të jetë xhelozia. Ndërkohë mësohet se bashkëshorti është përdorues i lëndëve narkotike.
Njoftimi i policisë
Policia parandaloi përshkallëzimin e një rasti dhune në familje.
U arrestua në flagrancë 31- vjeçari dhe u procedua penalisht 59- vjeçari (babai i 31 vjeçarit).
Shërbimet e Komisariatit të Policisë Maliq, menjëherë pas njoftimit të marrë, për një rast dhune në familje kanë shkuar menjëherë në adresën e dhënë.
Nga veprimet e para rezultoi se shtetasi E. Z., pas një konflikti për motive xhelozie, kishte ushtruar dhunë fizike e psikologjike ndaj bashkëshortes së tij. Po nga veprimet hetimore rezultoi se dhe babai i 31 vjeçarit shtetasi T. Z., ishte përfshire në konflikt dhe kishte ushtruar dhunë ndaj 28 vjeçares (nuses së djalit).
Ndërhyrja në kohë e Policisë parandaloi përshkallëzimin e dhunës.
Në vijim të veprimeve u arrestua në flagrancë shtetasi E. Z., 31 vjeç, dhe u procedua penalisht babai i tij shtetasi T. Z., 59 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme për veprën penale “Dhuna në familje”
