Një aksident është shënuar mesditën e kësaj të hëne në aksin rrugor “Shkodër-Koplik”, ku dy automjete janë përplasur me njëra-tjetrën.
Për pasojë, kanë mbetur të dëmtuar dy drejtuesit, 30 dhe 38 vjeç, të cilët ndodhen jashtë rrezikut për jetën.
“Rreth orës 12:35, në aksin rrugor “Shkodër-Koplik”, automjeti me drejtues shtetasin K. H., 30 vjeç, është përplasur me automjetin me drejtues shtetasin V. Ç., 38 vjeç. Si pasojë janë dëmtuar të dy drejtuesit e automjeteve, të cilët janë jashtë rrezikut për jetën.” – njofton policia.
Grupi hetimor po punon për sqarimin e rrethanave të aksidentit.
