Një 30-vjeçar shqiptar është arrestuar nga policia italiane në Ascoli gjatë mbrëmjes të së premtes, pasi u kap duke u shpërndarë kokainë dy përdoruesve të drogës në qytet.
Mediat italiane shkruajnë se i riu shqiptar gjurmoheshe prej kohësh nga policia italiane, deri në momentin e arrestimit ku iu gjetën 30 doza kokainë të gatshme për trafikim, ndërsa nga kontrollet në banesën e tij, u zbuluan edhe 15 gramë të së njëjtës lëndë narkotike.
I mbrojtur nga avokati Umberto Gramenzi, dje (e shtunë) doli para gjyqtares së gjykatës Ascoli, Barbara Caponetti, e cila vuri në fuqi arrestimin dhe shtyu gjykimin e drejtpërdrejtë për më 1 tetor. Ndërkohë, gjyqtarja i ka vendosur shqiptarit edhe ndalimin e qëndrimit në provincën e Ascolit.
Krahas kokainës, 30-vjeçari i sekuestroi edhe dy celularë, të cilët do të analizohen në thellësi për të identifikuar rrjetin e trafikut të drogës, nga i cili burri siguronte drogën dhe më pas i shiste në sheshin e Picenës.
Ka dyshime të arsyeshme se ai është pjesë e një grupi të organizuar që vepron në zonë dhe do merret gjithashtu në pyetje.
