Detaje të reja kanë dalë në dritë nga ngjarja e rëndë në Astir, ku Amarildo Hoxhallari humbi jetën pas 4 goditjeve me thikë nga 25-vjeçari Darmen Keli, i cili pretendon se viktima i kishte ngacmuar të fejuarën.
Gjatë dëshmisë së tij në polici, autori i krimit ka deklaruar se pasi ka përcjellë të fejuarën, ka dalë në ballkonin e shtëpisë dhe ka parë që Hoxhallari, po i përndiqte të fejuarën. Më pas i riu ka zbritur nga shtëpia dhe është konfliktuar me 34-vjeçari, i cili e ka ofenduar dhe më pas e ka goditur me mjetin prehës 4 herë.
“Përcolla të fejuarën për tek parkimi dhe u ngjita për në shtëpi. Kur dola në ballkon pashë që një motor po e ndiqte dhe fliste duke e ndjekur paralel në makinë. I fola nga ballkoni më pas zbrita. Aty Amarildo Hoxhallari më ofendoi dhe më goditi. Pas përplasjes në një moment e godita me thikën që e kisha marrë nga shtëpia”, ka dekalruar ai.
Hoxhallari më pas është larguar nga vendi i ngjarjes me një shokun e tij që drejtonte motorin. Por pak metra më pas ka rënë nga motori për shkak të plagëve. Policia ka arrestuar dhe shokun e tij drejtuesin e motorit për ‘Drejtim mjeti në gjendje të dehur’ pasi nga testi alkoolit ka rezultuar i pirë.
E shkuara e Amarildo Hoxhallarit
34-vjeçari Amarildo Hoxhallari, i cili mbeti viktimë mbrëmjen e djeshme, rezulton të jetë person me precedentë penalë.
Në vitin 2015, kur ishte 25-vjeç, ai u arrestua së bashku kushëririn e tij për tentativë vrasje dhe plagosjen e një punonjësi policie. Bëhet fjalë për atentatin e dështuar ndaj Pajtim Serjanit, mik i Emiljano Shullazit dhe plagosjen e efektivit Roland Meta.
Çfarë thotë policia mbi ngjarjen?
Policia reafoi në lidhje me vrasjen në zonën e Astirit. Blutë bënë me dije se gjatë një konflikti për motive të dobëta Darmen Keli, 25 vjeç goditi me thikë një 34-vjeçar.
Policia bëri me dije se arrestoi Darmen Kelin, ndërsa 34-vjeçari gjeti vdekjen në spital.
Njoftimi i policisë:
Në vijim të informacionit paraprak të dhënë pak më parë, ku në Unazë të Re, është plagosur me mjet prerës shtetasi A. H., ju informojmë se ky shtetas si pasojë e dëmtimeve të marra ka ndërruar jetë në spital.
Grupi hetimor po punon për arrestimin e autorit të dyshuar dhe sqarimin e rrethanave të ngjarjes.
