Policia e Shkodrës ka arrestuar një 67-vjeçar, i cili akuzohet për kultivim të bimëve narkotike kanabis sativa. Në pranga është vënë shtetasi Ahmet Lanej.
Ai është kapur në flagrancë duke u kujdesur për 215 bimë kanabisi, të cilat i kishte mbjellë në mes të një parcele me misër në fshatin Trush të njësisë Bërdicë. Uniformat blu i kanë asgjesuar bimët e kanabisit me anë të djegies.
Gjithashtu, gjatë monitorimit me dron, Policia e Shkodrës ka konstatuar dhe në njësinë administrative Pult 146 bimë kanabis, të cilat janë asgjesuar.
Policia raporton se vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.
