Autoritetet greke kanë arrestuar mëngjesin e djeshëm një 30-vjeçare shqiptare, të cilin e kishin shpallur në kërkim, pasi rezulton e dënuar me burgim.
Mediat vendase raportojnë se në pranga është vënë shtetësja Vasilika Maksuti. Raportohet se 30-vjeçarja pritej të vuante një dënim të dhënë nga Gjykata e Apelit në Kalamatë në vitin 2022, me 8 vite e 1 muaj burg dhe 3500 euro gjobë për drogë.
Shqiptarja ishte pikasur që më 20 Gusht në zonën e Bashkisë Pogon nga punonjësit e Policisë së kësaj zone, dhe sipas hetimeve, ajo kishte hyrë ilegalisht në Greqi disa ditë më parë, përmes kufirit greko-shqiptar.
Nga marrja e shenjave të gishtave nga Departamenti i Hetimeve Kriminale të Drejtorisë së Përgjithshme të Policisë së Qarkut Epir, 30-vjeçarja u konstatua me të dhëna identiteti të ndryshme nga ato që kishte deklaruar gjatë arrestimit.
Konkretisht rezulton se ajo quhet Vasilika Maksuti dhe tashmë është dërguar në Prokurorinë e Janinës.
