Janë regjistruar të shtëna me armë zjarri këtë të hënë në zonën e “Komunës së Parisit” në Tiranë.
Nga informacionet paraprake mësohet se si pasojë ka mbetur i plagosur një person. Burime bëjnë me dije se ngjarja ka ndodhur tek kompleksi “Kika 2”, pranë rreth-rrotullimit.
Forca të shumta policie ndodhen në vendin e ngjarjes, teksa i plagosuri është transportuar për tek spitali i Traumës dhe nuk dihet ende gjendja e tij dhe identiteti.
Burime bëjnë me dije se drejt shënjestrës ka patur disa të shtëna me armë zjarri, teksa ngjarja ka ndodhur në mes të ditës dhe në një prej zonave më të populluara të Tiranës.
Autori pas krimit është larguar me shpejtësi në drejtim të paditur.
