Pas ngjarjes me dy të vdekur në Velipojë, një tjetër ngjarje e rëndë është regjistruar mbrëmjen e sotme.
Mësohet se në zonën e “Treshit” në Tiranë, një burrë me nënshtetësi amerikane ka vrarë bashkëshorten dhe më pas veten.
U raportua se amerikani ka mbytur gruan e tij dhe dy qentë e tyre me një litar, përpara se t’i jepte fund jetës së tij.
Krimi brenda familjes është regjistruar në afërsi të vendit të njohur si “Ura e Institutit”, në dalje të kryeqytetit.
“Më datë 19.08.2024, në kryqëzimin e rrugës “Valbona” me rrugën “Ramazan Ceku”, është vetëvarur në banesë (të marrë me qira) shtetasi amerikan M.W., 55 vjeç, dhe si pasojë ka ndërruar jetë”, njofton policia.
