Detaje të reja janë zbuluar nga ngjarja e rëndë në Komunën e Parisit, ku 45-vjeçari Lorenc Kosta mbeti i plagosur mesditën e sotme.
Shkak për plagosjen e 45-vjeçarit nga punonjësi i policisë Erjon Goxhara, dyshohet se është xhelozia, pasi i plagosuri i ka ngacmuar të dashurën e efektivit.
Policia se i plagosuri ndodhet në spital, ndërsa gjenda e tij është e rëndë.
“Tiranë/Informacion paraprak. Më datë 19.08.2024, rreth orës 14:07, në afërsi të një marketi te rrethrrotullimi i Komunës së Parisit, dyshohet se për motive të dobëta, shtetasi E. G., (punonjës Policie) ka plagosur me armë zjarri shtetasin L. K., 45 vjeç, i cili ndodhet në spital, në kujdesin e mjekëve.
Grupi hetimor ndodhet në vendngjarje dhe nën drejtimin e Prokurorisë po punon për kapjen e autorit të dyshuar dhe sqarimin e rrethanave të ngjarjes.”-njofton policia.
