Një 39-vjeçare shqiptare ka humbur jetën në një aksident tragjik të regjistruar pak para orës 07:00 të mëngjesit të sotëm në rrugën periferike të Perivolit në jug të Korfuzit
Mediat vendase raportojnë se për shkaqe ende të paqarta, makina e drejtuar shqiptarja ka dalë nga rruga dhe është përplasur me një shtyllë elektrike.
Në vendin e ngjarjes mbërriti menjëherë ambulanca, por ishte e kotë, pasi ekipi i shpëtimit thjesht konfirmuan vdekjen e 39-vjeçares në vendin e ngjarjes.
Shërbimi Zjarrfikës ka kryer operacionin për nxjerrjen e trupit të gruas, pasi makina kishte pësuar dëmtime të mëdha.
Një hetim paraprak për zbardhjen e rrethanave të sakta të aksidentit rrugor po kryen nga Drejtoria e Policisë Jugore të Korfuzit.
