Gjykata Themelore në Ferizaj ka caktuar masën e paraburgimit prej një muaji ndaj dy të dyshuarve për vrasjen e 88-vjeçarit Sadri Sadriu në Bibaj të Ferizajt më 16 gusht.
Gjykata tha se “ekziston dyshimi i bazuar” se Festim Ramadani dhe J.M. në bashkëpunim kanë kryer veprën penale “vrasje e rëndë”.
Festim Ramadan, zyrtar policor, ishte dorëzuar vet tek autoritetet, ndërkaq J.M., po më 16 gusht ishte arrestuar.
Viktima, Sadri Sadriu u vra në parkingun e një salle dasmash në Ferizaj mbrëmjen e 16 gushtit.
Prokuroria Themelore në Ferizaj tha një ditë më herët se Festim Ramadani dyshohet se e ka kryer vrasjen me armën e punës
Si Prokuroria, ashtu edhe Gjykata Themelore thanë se Festim Ramadani “për qëllime të ulëta” ka kryer vrasjen. Sipas institucioneve të drejtësisë, ai sapo ka vërejtur viktimën që ka hyrë në parkingun e sallës së dasmave, me të dyshuarin tjetër, J.R., secili me vetura të tyre janë nisur drejt viktimës.
J.M. dyshohet se me një mjet të fortë i është vërsulur viktimës, ndërkaq Festim Ramadani me armë zyrtare ka shtënë disa herë drejt Sadri Sadriu i cili ka vdekur në vendin e ngjarjes.
