Është përfshirë nga zjarri çatia e qendrës ikonike të artit Somerset House të Londrës, një kompleks 250-vjeçar.
Rreth 125 zjarrfikës u thirrën për të shuar flakët, të cilat u vunë nën kontroll pas disa orësh. Brigada e Zjarrfikësve të Londrës tha se dërgoi 20 makina zjarrfikëse, duke përfshirë pajisje të specializuara në lartësi.
Imazhet dhe videot e shpërndara në mediat sociale treguan tym të errët që derdhej nga skaji perëndimor i ndërtesës përgjatë urës Waterloo, ndërsa zjarrfikësit u ngjitën në çati deri në 32 metra në ajër për të vëzhguar dhe shuar flakët.
Sipas drejtuesve të kësaj qendre, në këtë pjesë të ndërtesës që u përfshi nga flakët nuk ka patur vepra arti.
Mediat vendase bëjnë me dije se deri më tani nuk ka raportime për të lënduar, ndërsa shkaku i zjarrit nuk dihet ende, pasi ai është ende nën hetim nga autoritetet.
More footage of Fire at London’s Somerset House.#UK #London #Somerset_House #SomersetHouse https://t.co/VWAwDXjcYA pic.twitter.com/HDW35fpncR
— GeoTechWar (@geotechwar) August 17, 2024
