Dy të rinj janë arrestuar nga Policia e Tiranës, pasi i kanë vjedhur një gruaje varësen e floririt nga qafa në mes të rrugës.
Në pranga janë vënë shtetasit D. M., 23 vjeç, dhe L. M., 21 vjeç, të dy banues në Tiranë.
“Këta shtetas, në bashkëpunim me njëri-tjetrin, më datë 15.08.2024, në Rrugën e Elbasanit, i kanë vjedhur varësen një shtetaseje dhe më pas janë larguar.” – njoftojnë blutë e kryeqytetit, teksa grabitja është filmuar nga kamerat e sigurisë në zonë.
Policia ka sekuestruar në cilësinë e provës materiale varësen e vjedhur, një aparat celular dhe veshjet që dy të rinjtë kanë përdorur gjatë kryerjes së vjedhjes.
Materialet i kaluan Prokurorisë, për veprime të mëtejshme procedurale.
