Suedia ka regjistruar rastin e parë në Evropë të variantit më të rrezikshëm të lisë së majmunëve i cili po përhapet me shpejtësi në Afrikë, pasi OBSH shpalli një emergjencë globale të shëndetit publik.
“Një person që kërkoi kujdes spitalor në Stokholm është diagnostikuar me Mpox të shkaktuar nga varianti clade I. Është rasti i parë i shkaktuar nga kladi I që është diagnostikuar jashtë kontinentit afrikan”, tha Agjencia e Shëndetit Publik të Suedisë.
Të paktën 450 njerëz vdiqën gjatë një shpërthimi fillestar në Republikën Demokratike të Kongos dhe sëmundja që atëherë është përhapur në zonat e Afrikës Qendrore dhe Lindore.
Mpox, i cili më parë njihej si lija e majmunit, transmetohet përmes kontaktit të ngushtë, si seksi, kontakti lëkurë me lëkurë dhe të folurit ose frymëmarrjen pranë një personi tjetër.
Shkakton simptoma të ngjashme me gripin, lezione të lëkurës dhe mund të jetë fatale.
