Kreu i PD-së, Sali Berisha, gjatë fjalës së mbajtur në tubimin e sotëm, ka folur edhe për lëshimin e dy satelitëve prej 20 muajsh nga Qeveria në orbitë dhe ende nuk janë vënë në punë, teksa i kushtuan shtetit 6 milion euro.
Berisha deklaroi se ato nuk ishin gjë tjetër veçse kontraktime për lobim të kryeministrit Edi Rama. Sipas liderit demokrat, kreu i qeverisë shpenzon me dhjetra miliona euro vetëm për të mbrojtur pushtetin e tij të krimit.
Sali Berisha: Me të madhe propaganda e tij informoi se Shqipëria hodhi dy satelitë në orbitë. Pagoi 6 milionë për dy satelitë. Niko Peleshi ulej e kapardisej se tani me satelitë do mësojmë dhe do të lajmërohemi për çdo zjarr në Shqipëri. Ku janë satelitët o miq? A i dëgjuat kësaj vere të flasin për ta? Jo dhe jo! Satelitët nuk ishin asgjë tjetër veçse kontraktime për lobim të Edi Ramës, këtij banditi, këtij hajduti dhe krimineli që shpenzon dhjetëra e dhjetëra milionë për të mbrojtur pushtetin e tij të krimit.
Edi Rama është sot i vetmi kryeministër në Europë dhe botë që bleu 4 milionë euro instilacionin. 4 milionë euro instilacioni vetëm për të kënaqur sytë e tij është shpenzimi më kriminal, më i turpshëm i një sundimtari, të cilit nuk i ka mbetur as ndjenja më e vogël e respektit. As ndjesia më e vogël e solidaritetit apo dhembshurisë për qytetarët e vendit që vuajnë kaq shumë. Mund të numëroj një zinxhir të tërë vjedhjesh dhe abuzimesh të këtij njeriu që qëndron në pushtet mbi krimin. Që turpëron këtë vend çdo orë, çdo ditë. Që mashtron shqiptarët dhe që është i gatshëm t’i vërë flakën gjithçkaje për pushtetin e tij të krimit.
