Një aksident i rëndë automobilistik është regjistruar mëngjesin e kësaj të hëne në aksin Fushë Krujë-Thumanë, ku dy automjete janë përplasur “kokë më kokë” me njëra-tjetrën.
Aksidenti ka ndodhur në afërsi të Dervenit, ku një automjet tip “Mercedes Benz” me targa italiane, që drejtohej nga shtetasi me iniciale E.B., është përplasur me automjetin tip “Ford”, me drejtues shtetasin me iniciale V.D.
Si pasojë e aksidentit ka mbetur i plagosur drejtuesi i automjetit tip “Ford”, i cili është dërguar me urgjencë në spitalin e Traumës në Tiranë. Ndërsa shoferi tjetër është dërguar në qendrën shëndetësore në Thumanë pasi ndodhet në gjendje shoku.
Siç shihet edhe në fotot e mëposhtme, një prej automjeteve ka përfunduar mbi mbrojtëset metalike të rrugës. Policia po punon për zbardhjen e plotë të rrathanave të aksidentit.
