I është dhënë këtë të diel lamtumira e fundit, 39-vjecarit Faton Hajrizi, i cili u vra pak javë më parë nga policia serbe.
Një numër i konsiderueshëm qytetarësh u mblodhën në varrezat e fshatit Klinë e Ulët në Komunën Skenderajt në Kosovë, atje ku u mbajt dhe ceremonia mortore.
Rruga për në varrezat ishte e mbushur me flamuj kuqezi të Shqipërisë dhe UÇK-së, teksa kishte dhe nga ata qytetarë që i mbanin në duar
Ekzekutimi i Faton Hajrizit nga policia serbe u bë fshatin Llozhnicë, një ditë pasi Hajrizi kishte vrarë një polic serb dhe kishte plagosur një tjetër, pasi ishte arratisur nga një burg në Kosovë. Gati dy javë pas vrasjes, trupi i pajetë i Faton Hajrizit mbërriti në Kosovë, ku edhe u krye autopsia nga Instituti i Mjekësisë Ligjore.
Autori i sulmit fillimisht u identifikua si Artan Hajrizi, vëllai i Fatonit, pasi në vendin e ngjarjes u gjenden dokumentet e tij. Mirëpo, Artan Hajrizi u paraqit nga Gjermania, duke deklaruar se Faton Hajrizi, vëllai i tij, ka qenë në Gjermani dhe i kishte vjedhur dokumentet. Para se të arratisej nga burgu në Kosovë, Hajrizi kishte kryer 17 vite burgim, i akuzuar për disa ngjarje kriminale mes tyre ajo e vrasjes së një ushtari rus në vitin 2000.
