Dy emigrantë kanë humbur jetën duke tentuar të kalonin Kanalin Anglez me një varkë. Incidenti ndodhi në det të hapur midis Calais dhe Dunkirk, në Francë, mëngjesin e së dielës, tha një zyrtar francez për BBC.
Më shumë se 50 emigrantë u shpëtuan nga e njëjta varkë dhe operacioni është në vazhdim.
Zyrtarët francezë thanë se 25 emigrantë kanë vdekur në përpjekje për të kapërcyer korsinë më të ngarkuar të anijeve në botë këtë vit. Në varkë ndodheshin 56 emigrantë.
Dy persona ishin pa ndjenja kur ekuipazhet mbërritën në vendngjarje dhe më vonë vdiqën, ndërsa 54 u kthyen të sigurtë në portin në Calais.
