Dy të plagosur kanë mbetur në Vlorë, p-as një konflikti për motive të dobëta, jashtë ambienteve të “club-i”. Ngjarja ka ndodhur në orët e para të mëngjesit, rreth orës 04:00, në lagjen “1 Maji”
Autoritetet policore raportojnë se shtetasi S. C., 19 vjeç, ka plagosur me thikë shtetasit L. T., 39 vjeç, dhe D. T., 23 vjeç. Dy të plagosurit ndodhen në spital, ku po marrin ndihmë mjekësore dhe ndodhen jashtë rrezikut për jetën.
Policia ka arrestuar autorin, teksa ka sekuestruar edhe thikën e përdorur nga 19-vjeçari në krim. Ai akuzohet për veprat penale “Plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
Gjithashtu, është proceduar penalisht një 17-vjeçar, i cili dyshohet se, në bashkëpunim me 19-vjeçarin e arrestuar, kanë goditur me grushte, duke i shkaktuar dëmtime shtetasin A. T., 24 vjeç. Ky i fundit ishte së bashku me dy të plagosurit, teksa sipas bluve të qytetit bregdetar, të tre ata janë kushërinj me njëri-tjetrin.
Policia raporton se ka sekuestruar edhe një automjet tip “Benz” në pronësi të 19-vjeçarit S.C. Materialet iu referuan Prokurorisë, për veprime të mëtejshme.
