Stephen Curry dhe LeBron James mahnisin një botë të tërë. Në Bersi Arena, basketbollistët e SHBA tregojnë edhe njëherë se janë të pamposhtshëm. Në finalen e basketbollit në olimpiadën Paris 2024, SHBA fiton 98-87 ndaj Francës.
Dhe yjet e NBA fitojnë duke sfiduar mbështetjen e jashtëzakonshme të publikut francez, kur në shkallët e Bersi Arenës ishte i pranishëm presidenti Makron me bashkëshorten, presidenti i komitetit olimpik ndërkombëtar Tomas Bah e personalitete të tjera të sportit.
Kevin Durant, LeBron james e Stephen Curry bëjnë diferencën, duke mos e diskutuar për asnjë moment fitoren. Të gjithë gjuajnë nga largësia për tri pikë dhe janë të saktë.
Por më i jashtëzakonshmi është Stephen Curry që realizon tre trepikësha duke i dhënë një siguri të madhe skuadrës së tij. LeBron dhe Durant nuk dorëzohen megjithë moshën e madhe.
Përballë një France që udhëhiqet nga 20 vjeçari Wembanyama, 2.24 i gjatë, që realizoi 26 pikë, më shumë se çdo lojtar tjerër i skuadrës franceze, nga çdo pikë e fushës, por pa eksperincën e duhur në këto finale e sidomos të një olimpiade.
Ndeshja SHBA-Serbi ishte spektakolare por ajo SHBA-Francë i kaloi pritshmëritë. SHBA mori medaljen e pestë të artë radhazi në olimpiada ndërsa Franca mori medaljet e argjendta.
