Një ngjarje e rëndë është shënuar në Pogradec gjatë orëve të vona të pasdites së sotme, teksa një 42-vjeçar ka humbur jetën pasi është rrëzuar në rrugë.
U mësua se ngjarja ka ndodhur në vendit e njohur si “Agjencia e Autobusëve”.
Bëhet fjalë për 42-vjeçarin Eglantin Proga, i cili u dërgua me urgjencë në spital dhe pavarësisht ndërhyrjes së mjekëve, ka gjetur vdekjen.
Policia në vendin e ngjarjes ka pyetur personat e ndodhur në ato momente, ku të gjithë kanë deklaruar për uniformat blu se 42-vjeçari në gjendje të dehur është rrëzuar.
Por uniformat blu do të kryejnë kontrollin e kamerave të sigurisë në zonë për të zbardhur të plotë dinamikën e ngjarjes.
