Pritet vetëm zyrtarizimi por edhe tashmë është thjesht formalitet: Dijar Nikqi nuk do jetë pjesë e Tiranës në këtë sezon, teksa do t’i bashkohet skuadrës së Vorës në Kategorinë e Parë.
Sulmuesi nuk ishte pjesë e planeve të bardhebluve gjatë kësaj vere, duke mos gjetur minutat që kërkonte në ndeshjet që ekipi ka zhvilluar nën drejtimin e trajnerit Bledi Shkëmbi.
Ndaj ai ka kërkuar largimin nga skuadra kryeqytetase për të gjetur një sistemim të ri ku të mund të aktivizohet rregullisht.
Mësohet se lojtari ka gjetur akordin me skuadrën e Vorës, duke iu bashkuar kësaj të fundit në Kategorinë e Parë, me objektivin që ta ndihmojë të ngjitet në elitë.
Gjithçka pritet të zyrtarizohet ditën e sotme me lojtarin që do të dalë në stërvitje me klubin e tij të ri.
