Një grua ka mbetur e lënduar nga shpërthimi i një bombole gazi në banesën e saj në katin e dytë të një pallati në Pogradec.
Policia ka reaguar për ngarjen dhe njofton se 71-vjeçarja me iniciale E. P., po merr mjekim në spitalin e Pogradecit dhe ndodhet jashtë rrezikut për jetën.
“Rreth orës 10:30, në lagjen nr.5 Pogradec, në banesën e shtetases E. P., 71 vjeçe, dyshohet se ka shpërthyer një bombël gazi.
Si pasojë e shpërthimit është dëmtuar 71-vjeçarja, e cila aktualisht po merr mjekim në spitalin e Pogradecit, jashtë rrezikut për jetën.”– njofton policia.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
