Një bombol gazi ka shpërthyer paraditen e kësaj të mërkure në një apartament në katin e dytë të një pallati në Pogradec.
Mësohet se shpërthimi ka qenë shumë i fuqishëm, aq sa dritaret e apartamentit kanë “fluturuar” në rrugën kryesore, duke rrezikuar jetën e qytetarëve.
Si pasojë e shpërthimit mësohet se ka mbetur e plagosur një e moshuar, e cila ka marrë plagë të shumtë në fytyrë dhe është dërguar me urgjencë në spitalin e Pogradecit ku po merr ndihmën mjekësore.
Policia dhe zjarrfikësit ndodhet në vendin e ngjarjes dhe po hetojnë për zbardhjen e plotë të rrethanave të ngjarjes.
