Real Madrid fitoi 2-1 kundër Chelseat në miqësoren e zhvilluar në Charlotte. Ndryshe nga ndeshjet e tjera, trajneri Enzo Maresca nuk e kishte as në stol Armando Brojën te londinezët.
Dueli u vendos në fraksionin e parë, aty ku u shënuan tre gola. Fillimisht “Galaktikët” kaluan në epërsi me Lucas në minutën e 19-të, ndërsa Brahim Diaz gjeti golin e dytë në të 27 minutë.
Ishte Madueke që shkurtoi shifrat në minutën e 39-të, ndërsa në pjesën e dytë Carlo Ancelotti provoi shtatë zëvendësime. Paçka se Chelsea u mundua të barazonte rezultatin, në fund Real Madrid fitoi duelin miqësor.
