Yjet e NBA hedhin një tjetër hap të sigurt drejt medaljes së artë në Lojrat Olimpike “Paris 2024”, duke kualifikuar Shetetet e Bashkuara të Amerikës në gjysmëfinalet e turneut të basketbollit për meshkuj.
LeBron James dhe shokët e tij konfirmuan edhe një herë se janë favoritë absolutë, duke mundur Brazilin me rezultatin 122-87.
Amerikanët nisën dominimin që në periodën e parë, ndërsa më pas kontrolluan lojën dërisa në minutat e fundit rritën sërish ritmin për ta bërë më të ekzagjeruar fitoren e tyre me 35 pikë diferencë.
Në gjysmëfinalet e Olimpiadës, skuadra e Shteteve të Bashkuara do të përballet me Serbinë, të cilën e mundi thellë gjatë fazës së grupeve por edhe në miqësore.
Të udhëhequr nga Nikola Jokiç, serbët siguruan kualifikimin pas fitores dramatike kundër Australisë.
Ndërkohë, Wagner dhe Shcroder udhëhoqën Gjermaninë drejt gjysmëfinales ku do të përballen në një “klasike europiane” kundër Francës.
Kjo e fundit siguroi kualifikimin pasi kaloi Kanadanë me nëntë pikë diferencë në rezultatin e përgjithshëm 82-73.
Sfida mes dy yjeve të rinj të NBA, Xhilxhous-Aleksander dhe Wembanijama, u fitua nga ky I fundit, ndërsa Franca ëndërron të fitojë medaljen e artë olimpike të basketbollit në shtëpinë e saj.
