Një aksident tragjik është regjistruar këtë të mërkurë në rrugën e vjetër Elbasan-Tiranë, në fshatin Gracen, ku për pasojë ka ndërruar jetë një person.
Autoritetet policore raportojnë se automjeti tip “Fiat” me drejtues shtetasin Genci Stërmasi, 62 vjeç, është përplasur me automjetin tip “Opel” me drejtues shtetasin Nezir Salla, rreth 72 vjeç.
Si pasojë e aksidentit ka humbur jetën shtetasi Nezir Salla dhe është plagosur shtetasi shtetasi G. B., pasagjer në automjetin e drejtuar nga Genci Stërmasi.
Shtetasi Genci Stërmasi është shoqëruar në Polici, për kryerjen e veprimeve procedurale.
Ky aksident ka ndodhur në një aks rrugor, i cili zakonisht përdoret tashmë vetëm nga banorët e zonës pas hapjes së tunelit të Kërrabës, ndërsa shkaqet e aksidentit janë ende të paqarta.
Grupi hetimor në vendngjarje po punon për zbardhjen e rrethanave të aksidentit.
