Tregu i shitjes me shumicë të fruta-perimeve në Gjirokastër është përfshirë nga zjarri pasditen e kësaj të marte.
Mësohet se ky treg, i pozicionuar ne pjesën e poshtme të qytetit afër lumit Drino, ka marrë flakë rreth orës 16:50, duke marrë më pas zjarri përmasa të mëdha, edhe për shkak të ndikimit të erës.
Drejt vendit të ngjarjes shkuan dy mjete zjarrfikëse, një autobot dhe 8 efektivë zjarrfikës, duke bërë të mundur vënien nën kontroll të flakëve pas disa minutash, dhe më pas shuarjen e plotë të zjarrit.
