Dy arbitra të Champions Leagues kanë përfunduar në pranga në orët e para të mëngjesit të të martës.
Bëhet fjalë për dy polakët Bartosz Frankowski dhe Tomasz Musial, të cilët janë arrestuar nga policia polake në Lublin, aty ku në orën 20:00 pritet të zhvillohet sfida mes Dinamos së Kievit dhe Rangers, e vlefshme për turin e tretë eliminator të Ligës së Kampionëve.
Të dy arbitrat ishin në Lublin për të vendosur drejtësi në sfidën e Champions Leagues, pasi Frankowski ishte përzgjedhur si gjyqtar i VAR-it dhe Musial si asistent i tij.
Të dy u ndalën nga policia pasi shkelën rregullat e qarkullimit rrugor, teksa pas kryerjes së testeve, u zbulua se ishin në gjendje të dehur, ndaj edhe u arrestuan menjëherë.
UEFA ka përcaktuar menjëherë edhe zëvendësuesit e tyre, duke qenë se sfida mes ukrainasve dhe skocezëve është planifikuar të luhet mbrëmjen e sotme në qytetin polak të Lublinit.
