Lojërat Olimpike po mbyllin ditën e 10 të garave, ku kampionë të mëdhenj treguan sot vlerat e tyre në gara në kërkim të medaljeve.
Pikërisht në luftën për të siguruar sa më shumë medalje të arta, është e qartë se tanimë do të jetë një duel i hapur mes Kinës dhe SHBA-së. Pas ditës së 10-të sportistët e Kinës kryesojnë me 21 medalje të arta, ndërsa SHBA ndjek me 20.
Sa i përket numrit të përgjithshëm të medaljeve, SHBA bën që tani diferencën me 78 të tilla të siguruara, ndërsa Kina në këtë rast është e dyta me 53 medalje në total.
Teksa kanë mbetur edhe 9 ditë nga përfundimi i Lojërave Olimpike, SHBA është e avantazhuar për të siguruar më shumë medalje të arta teksa historia na tregon se gjimnastika dhe atletika i japin një shtysë atletëve amerikanë në sprintin final të këtij evenimenti të madh, ndërsa favoritë janë për të siguaruar medalje të arta në basketbollin e meshkujve dhe të femrave apo edhe në volejboll.
Gjithesesi për të mbërritur në fund ka ende rrugë dhe na mbetet vetëm të shijojmë spektaklin e garantuar të kampionëve të disiplinave të ndryshme.
Renditja aktuale e medaljeve:
