Një zjarr ka përfshirë një banesë në fshatin Allkaj të Lushnjës.
U raportua se banesa u shkrumbua totalisht, ndërsa për fatin e mirë në momentin e zjarrit nuk ka pasur njeri brenda, teksa flakët kanë rrezikuar dhe shtëpitë ngjitur.
Zjarrfikësit kanë ndërhyrë dhe kanë shuar në kohë flakët, teksa në vendngjarje ndodhet edhe policia e Lushnjës.
Banorët dhe fqinjët kërkuan ndihmën e zjarrfikësve për situatën e vështirë. Sipas zjarrfikësve të Lushnjës dyshohet se shkaku i zjarrit mund të ketë qenë një shkëndijë elektrike.
