Qitja kuqezi e mbyll Olimpiadën mes zhgënjimit. Pas notit, edhe ky sport regjistroi rezultate modeste në “Paris 2024”.
Manjola Konini konkurroi sërish, këtë herë në garën e 25 metrave. Në tre provat e realizuara, ajo grumbulloi vetëm 278 pikë në preçizion dhe 291 në shpejtësi, për një total prej 569 pikësh.
Sportistja kuqezi u pozicionua në vendin e 37 nga 40 pjesëmarrëse. Praktikisht e katërta nga fundi. Vetëm pak ditë më parë, Konini garoi edhe në pistoletë me ajër në 10 metër distancë, ku u poziconua e parafundit.
Tashmë, për Shqipërinë do të garojnë dy atletët Franko Burraj dhe Luiza Gega, ndërsa shpresat janë te mundja, me Abakarov, Dudaev dhe Aliev që kanë premtuar medalje.
