Detaje të reja janë zbuluar nga operacioni i SPAK në disa qytet, ku në fokus është Elbasani.
Bëhet me dije se ky operacion është vazhdim i “Plumbit të Artë” zbërthimet nga aplikacioni Sky Ecc, ku janë zbërthyer disa ngjarje të rënda kriminale të ndodhura në Elbasan, Tiranë dhe Durrës.
Ndërsa raportohet se është caktuar një masë sigurie “arrest shtëpie” për ish-gjyqtaren Pajtime Fetahu dhe zv. Drejtorin e burgut të Bradasheshit Martin Musaj.
Deri tani raportohet se janë lëshuar mbi 30 urdhër arreste, dhe mësohet se në Elbasan janë mbi 10 persona që janë shpallur në kërkim dhe po punohet për kapjen e tyre.
Ndërsa në fokus të këtij operacioni janë vënë në shënjestër për t’u arrestuar, personat me precedentë penal të akuzuar për vrasje, trafik droge dhe sigurim të kushteve për të kryer vrasje.
